Frá rannsóknum til formúlu

Áhugi Birnu á samspili meltingar, þarmaflóru og almennri heilsu varð upphafið að þeirri rannsóknarvinnu sem síðar þróaðist í Jörth.

Birna lauk doktorsprófi í heilbrigðisvísindum frá Háskóla Íslands þar sem rannsóknir hennar beindust að meltingarvegi, þarmaflóru og samskiptum þarma og heila (e. microbiota–gut–brain axis), og tengslum þeirra við geðheilsu barna og unglinga. Áður lauk hún meistaranámi í næringarlæknisfræði frá University of Surrey ásamt gagnreyndum heilbrigðisvísundum frá University of Oxford og starfar nú sem rannsakandi við Harvard Medical School.

Rannsóknir hennar hafa verið birtar í alþjóðlegum vísindatímaritum og unnar í samstarfi við innlenda og erlenda sérfræðinga á sviði meltingar, þarmaflóru og geðheilsu. Samhliða rannsóknarvinnunni hefur Birna verið meðal þeirra fyrstu hér á landi til að miðla opinberlega mikilvægi þarmaflóru og tengsla hennar við heilsu og daglega líðan með fyrirlestrum, ráðgjöf og fræðslu.

Það sem rannsóknarvinnan leiddi í ljós varð grunnurinn að Jörth.

Rannsóknirnar sýndu að góð heilsa verður ekki skilin út frá einangruðum líffærum eða einstökum innihaldsefnum heldur samspili líffræðilegra kerfa líkamans. Þessi sýn mótar þróun allra formúla Jörth, þar sem rannsóknir, fagþekking og náttúruleg hráefni vinna saman í formúlum sem styðja náttúrulega starfsemi líkamans.

Frá upphafi hefur markmið Jörth verið að þróa formúlur sem byggja á skilningi á líffræði líkamans fremur en skyndilausnum. Hver formúla er þróuð út frá þeirri sömu rannsóknarheimspeki sem hefur fylgt Birnu í gegnum allt hennar starf: að hlusta á líkamann, skilja samspil hans og þróa lausnir sem vinna með náttúrulegum ferlum hans.

Jörth varð þannig til þar sem rannsóknir, náttúra og heildræn sýn á heilsu mætast.

Rannsóknir

Birna hefur um árabil unnið að rannsóknum á tengslum meltingar, þarmaflóru og heilsu, bæði hérlendis og erlendis.

Rannsóknir hennar hafa meðal annars beinst að microbiota-gut-brain axis, gegndræpi meltingarvegarins, góðgerlum og áhrifum lífvirkra efna á ónæmiskerfi, meltingu og almenna vellíðan.

Við Háskóla Íslands og Landspítala hefur Birna komið að rannsóknum á tengslum mataræðis, þarmaflóru og geðheilsu barna og unglinga. Hún hefur einnig tekið þátt í rannsóknum við MIBRC rannsóknasetrið við Massachusetts General Hospital og Harvard Medical School þar sem áhersla hefur verið lögð á tengsl þarmaflóru, ónæmiskerfis og taugakerfis.

Birna hefur einnig komið að íhlutunarrannsóknum sem skoða áhrif gerjaðra matvæla og formúla Jörth á þarmaflóru og heilsufarsþætti hjá fullorðnum einstaklingum.

Auk þess hefur Birna unnið að kerfisbundnum yfirlitsrannsóknum sem náð hafa til tugþúsunda þátttakenda og rannsakað meðal annars áhrif góðgerla og lífvirkra efna á heilsu og vellíðan.

Rannsóknirnar eru mikilvægur hluti af þeirri þekkingu og nálgun sem liggur að baki þróun Jörth.